احمد فراز صاحب نے جیو نیوز پر کیپٹل ٹاک میں کور کمانڈرز کے بارے میں ایک ایسا لفظ کہہ دیا تھا، اُس وقت کے ڈائریکٹر جنرل آئی ایس پی آر میجر جنرل وحید ارشد نے مجھے فون کیااور کیا کہاتھا ؟ سینئر صحافی حامد میر کے حیران کن انکشافات

اسلام آباد(مانیٹرنگ ڈیسک )سینئر کالم نگار حامد میر اپنے حالیہ کالم میں لکھتے ہیں کہ ۔۔۔2007 کی بات ہے، احمد فراز صاحب نے جیو نیوز پر کیپٹل ٹاک میں کور کمانڈرز کے بارے میں ایک ایسا لفظ کہہ دیا جسے مشرف دور میں کہنا اور لکھنا آسان تھا، آج بہت مشکل ہے۔

اُس وقت کے ڈائریکٹر جنرل آئی ایس پی آر میجر جنرل وحید ارشد نے مجھے فون کیا اور پوچھا کہ کیا یہ لفظ آن ائیر جانا چاہئے تھا؟ میں نے کہا، نہیں جانا چاہیے تھا لیکن یہ لفظ احمد فراز کی زبان سے نکلا تھا، اُسے کاٹنا مشکل تھا۔ وحید ارشد صاحب کی مہربانی کہ اُنہوں نے بات آگے نہیں بڑھائی، پھر جو بھی کیا پمرا نے کیا، آج تو بات بہت آگے جا چکی ہے، ایک طرف ایاز صادق کی صورت میں ایک نیا غدار متعارف کرایا جا رہا ہے، تو دوسری طرف وزیر داخلہ اعجاز شاہ سیاسی مخالفین کو قتل کی دھمکیاں دے رہے ہیں۔سیاسی اختلاف کو ذاتی انتقام اور نفرت بنا دیا گیا ہے، ایسا لگتا ہے حکومت عوام کے مسائل حل کرنے میں ناکام ہو چکی ہے، ناکامی سے توجہ ہٹانے کا بہترین طریقہ غداری کے الزامات لگانا ہے۔ تاریخ یہی بتاتی ہے کہ غداری کے الزامات میں اُس وقت شدت آتی ہے جب حکومتیں ناکامیوں سے دوچار ہوتی ہیں پھر اُن کی آخری پناہ گاہ حب الوطنی کے دعوے بن جاتے ہیں۔

اپنا تبصرہ بھیجیں