بریکنگ نیوز: امریکی عدالت کا کھڑاک، لاکھوں تارکین وطن کو ملک سے نکالنے کا حکم ۔۔۔۔ ان میں کون سے ممالک شامل ہیں ؟ تازہ ترین خبر

واشنگٹن (ویب ڈیسک) امریکہ کی عدالت نے ٹرمپ انتظامیہ کو اجازت دے دی ہے کہ وہ 4لاکھ تارکین وطن کو ملک بدر کر سکتے ہیں۔غیر ملکی خبر رساں ادارے کے مطابق عدالت کے اس فیصلے سے امریکہ میں رہائش پذیر ان ممالک کے باشندے متاثر ہوں گے جہاں لڑائی اور قدرتی آفات کے

باعث نافذ کی گئی ہنگامی صورتحال ختم ہو چکی ہے۔ ٹرمپ انتظامیہ نے تارکین وطن کیلئے عارضی تحفظ پروگرام کو چیلنج کیا تھا۔ تین ججزکے بینچ میں سے ایک نے مخالفت کی اور 2نے ٹرمپ انتظامیہ کے حق میں فیصلہ دیا۔عارضی تحفظ کا پروگرام 1990میں جارج بش نے شروع کیا تھا اور اب امریکی عدالت نے اس کو ختم کرنے کی اجازت دے دی ہے۔ اس پروگرام کے تحت متعدد ممالک سے آئے ہوئے پناہ گزین امریکہ میں قانونی طور پر رہ کر کام کرسکتے تھے۔فیصلے کے مطابق 4 لاکھ امیگرینٹس کی قانونی حیثیت ختم کر دی جائے گی جس سے ہیٹی اور سوڈان کے تارکین وطن زیادہ متاثر ہوں گے۔سماعت کے دوران سرکاری وکلا نے مؤقف اپنایا کہ ان ممالک میں ایمرجنسی کی صورت حال ختم ہو چکی ہے۔ ان ممالک سے آنے والے لوگوں کو اب محفوظ جگہوں کی ضرورت نہیں۔ پالیسی شام، جنوبی سوڈان، صومالیہ اور یمن کے تارکین وطن پر اثر انداز نہیں ہوگی۔ٹرمپ انتظامیہ نے عدالتی فیصلے سے متاثر ہونے والے تارکین وطن کو 5مارچ 2021 تک امریکہ میں رہنے کی اجازت دی ہے۔ تاکہ وہ اس حوالے سے انتظام کرسکیں ۔

اپنا تبصرہ بھیجیں