کپتان کا کہا حرف با حرف درست ثابت ۔۔۔!!!عمران حکومت نے ملک کا5 ہزار ارب روپے کا قرض چکا دیا ، پاکستانی معیشت کس قدر مستحکم ہو گئی ؟ پاکستانیوں کا سینہ چوڑا کر دینے والی خبر

لاہور (ویب ڈیسک) صوبائی وزیرِاطلاعات فیاض الحسن چوہان نے کہا ہے کہ حکومت سنبھالنے سے اب تک موجودہ حکومت ملک کا پانچ ہزار ارب روپے قرض واپس کرچکی ہے۔اپنے بیان میں صوبائی وزیر اطلاعات فیاض الحسن چوہان نے کہا کہ وزیرِ اعظم عمران خان کی قیادت میں پاکستان ترقی کی نئی منازل طے کر رہا ہے۔

عمران خان ملک میں 15 کھرب 67 ارب کی بدعنوانی کو 270 ارب تک لے آئے ہیں،وزیراعظم کی رہنمائی میں منی لانڈرنگ کی کمر توڑ کر رکھ دی گئی ہے۔صوبائی وزیر نے بتایا کہ پاکستان میں ساٹھ سال کے بعد بڑے ڈیموں کی تعمیرہو رہی ہے اور نہری نظام کو بہتر کیا جا رہا ہے،اس کے علاوہ پی ٹی آئی حکومت نے دو کھرب پینتالیس ارب کی رقوم غریب، بے روزگار اور نادار طبقے میں تقسیم کئے،ساتھ ہی ملک بھر میں آٹھ کروڑ افراد کو صحت انصاف کارڈز کے زریعے مفت علاج کی سہولت دی جا رہی ہے۔فیاض الحسن چوہان نے کہا کہ موڈیز، ورلڈ بینک سمیت دیگر بین الاقوامی مالیاتی ادارے ہمارے معاشی استحکام کی تعریفیں کر رہے ہیں،بہتر معاشی پالیسیوں کے باعث کورونا وائرس کے باوجود برآمدات میں اضافہ ہوا ہے جبکہ پاکستان کا کرنٹ اکانٹ خسارہ پہلے سے پچاسی فیصد کم جبکہ تجارتی خسارہ سینتیس ارب ڈالر سے تئیس ارب ڈالر رہ گیا ہے۔صوبائی وزیر اطلاعات نے اپنے بیان میں متحدہ اپوزیشن کو آڑے ہاتھوں لیتے ہوئے کہا کہ انہیں کسی ماہر میڈیکل اسپیشلسٹ سے اپنی آنکھوں اور کانوں کا علاج کرانا چاہیے ،اپوزیشن وزیرِاعظم عمران خان کی پرفارمنس پر تنقید کرنے سے پہلے تحقیق کر لیں تو بہتر ہو گا،آلِ شریف کو فضول تنقید اور بے بنیاد پراپیگنڈے کے جواب میں ہمیشہ منہ کی کھانی پڑے گی۔